Odisha leh Bagan an chak

Zirtawpni zan khan Indian Super League inkhelah Odisha chuan 1-0 in Jamshedpur FC an hneh a, Roy Krishna chuan inkhela goal awmchhun a khung - mualneitu Jamshedpur tan PC Laldinpuia chuan inkhel bul a ṭan.

Odisha tan Jerry Lalrinzuala, K. Lalṭhathanga, Isak Vanlalruatfela leh Jerry Mawihmingthanga ten inkhel bul an ṭan a, Isak hian goal khung theihna remchang vawi hnih nei mah se a chhawr lo - vawi khat chu bar a pet per. Puitea leh Jerry Mawia ten an chance neih an chhawr lo bawk.

Inrinni zanah ISL inkhel pakhat a awm bawk a, Mohun Bagan chuan tun season-a chak la nei lo Hyderabad chu 2-0 in an hneh. Minute 85 hnu lamah goal hnih khungin, Brendan Hamill leh Asish Rai ten goal khat ve ve an khung.

Hyderabad tan Mark Zothanpuia chuan inkhel bul ṭanin, Ramhlunchhunga chu bench aṭanga luhtir a ni bawk a, Mohun Bagan tan Lalrinliana Hnamte chu bench aṭangin a lut bawk.

(Thlalak : Inkhelh hmain Bengaluru laka a goal khung mawi tak avangin Puitea hnenah Fans goal of the week hlan a ni)