Chris Brown studio album 11-na a chhuak ta

Chris Brown chuan a studio album 11-na, '11:11' tih chu nimin khan a ti chhuak.

A album tharah hian a hmaa single a lo tihchhuah tawh, Summer Too Hot, Sensational feat Davido & Lojay bakah Nightmares feat Byron Messia te a tel. Anni bakah Future, Maeta leh Fridayy a thawhpuina te pawh a tel bawk. Production leh songwriting-ah Brown hian Troy Taylor, Hitmaka, Bizness Boi, Tone Stith leh midang eng emaw zat a thawhpui bawk a ni. Hla 22 awmin, album hi chi hnih - 11 a.m leh 11 p.m-ah a ṭhen. A hmasa zawkah hian midang a thawhpuina hrang hrangte dahin, a hnunhung zawkah erawh special guest an awm lo.

Chris Brown hian nikum khan Brezzy album a ti chhuak a, Billboard 200-ah pawh no. 4 niin, album chart-ah hian Top 10 kai thei album 9 a nei tawh. Breezy a tihchhuah hnu kar khat lekah a expanded version, Breezy (Deluxe) ti chhuak lehin, he albumhi 65th Grammy Awards-a Best R&B Album nomination zingah pawh a tel.