Vettel nen kan intipalh tawh lo ang  - Leclerc

Ferrari driver pahnih Charles Leclerc leh Sebastian Vettel te season hmasa khan an inbakkaih fo a, driver naupang zawk Leclerc-a'n kuminah chuan intlansiakna hmunah an intihpalh tawh loh tur thu a sawi.

Season kharna Brazil Grand Prix-ah pawh khan Ferrari car khalhtu pahnih hi an intipalh, tawnhriat ngah zawk Vettel-a'n beisei anga season a hman ṭhin loh avangin chungnung zawk nih inchuhna a na hle.

Kum 22 mi Leclerc chuan, "Kan pahnih hi kan inel na hle, a chang chuan tlankawngah kan inelna boruak hi a lang chhuak ṭhin a ni mai thei. Amaherawhchu, khatiang thil thleng kha hrethiam turin kan puitling tawk tawh," tiin a sawi.



Share this Post

Login to comment
No Comments