Selesih-Sihphir kawng khâr dawn

Aizawl SP Rex Zarzoliana chuan thupek chhuahin, Durtlang Leitan leh Sihphir inkar kawng siam hna thawh mekah chak zawka hnathawh a nih theih nan Selesih leh Sihphir inkar chu November 14, 2023 aṭanga December 8, 2023 (ni 25 chhung) khâr a nih dawn thu a tarlang.

Thupek hian chhiatrupna thil, kângmei leh rîkrum kaihhnawiha duty, dan leh thupek pawimawh bika police leh magistrate duty-te leh emergency-a damlo hruaitute chêt velna a huam lo.

LIRTHEI TLAN DAN TUR
* Aizawl aṭanga Lungdai lam pan tur tan Selesih kâwn - Sihphir Kawnveng kawngah tlan tur.
* Lungdai lam aṭanga Aizawl lam pan tur tan Sihphir Arpu Veng (Rinchhan Veng) aṭangin Selesih kâwn kawngah kal tur.
* Hnathawhna hmun paltlang lirthei veivâk lo enkawl chu PWD/company-te mawhphurhna a ni ang.
* Laklawh taka lirthei lian (heavy vehicle) hnathawhna hmun paltlang tum an awm loh nan Zanlawn, Bawngkawn leh Durtlangahte hriattirna târ tur a ni ang.