Rules paruk kan peih tawh - LMC Chairman

Lunglei Municipal Council (LMC) chairman Lalzuithanga Khiangte chuan nimin khan Mizo Academy of Letters (MAL), Joint Headquarters, Lunglei-in golden jubilee puala souvenir an buatsaih a tlangzarh a; LMC-in rules paruk an peih tawh thu a sawi.

Lalzuithanga Khiangte chuan, LMC-in hna an thawh theihna turin ṭan chhan an neih a ngaih thu sawiin, "Chumi atan chuan theihtawp kan chhuah a, tun dinhmunah rules leh regulation paruk kan peih tawh. Cabinet-in min pawmpui hnuah a takin hna thawh a ni ang," a ti.

LMC Chairman sawi danin, rules leh regulation an peih tawhte chu - Parking Regulation and Rules 2023 te, Building Regulation and Rules 2023 te, Solid Waste Management Regulation and Rules 2023 te, Plastic Waste Management Regulation and Rules 2023 te, Licencing Regulation and Rules 2023 leh, Advertisment and Hoarding Regulation and Rules 2023-te a ni.