Edmund-a'n East Bengal a zawm

Mizo rawlthar Edmund Lalrindika chuan season tawp thleng atan loan-a khel turin East Bengal a zawm a, Kolkata club a pan hma hian Bengaluru-ah kum hnih chhung atan contract a ziak phawt a ni.

India Under 20 inter-national hlui hian season hmasa khan Bengaluru tan ISL-ah match nga a khel a, tun season-ah erawh minute hnih chiah khelmualah hun a hmang thung. 

Lunglei tlangval chuan, "Season ṭan dawn khan East Bengal nen friendly match leh Durand Cup-ah kan inhmachhawn a, coach-in min lo duh ve avangin ka pan a ni. Lalrindika Ralte a awm sa bawk avangin ka phur lehzual," tiin Vanglaini a hrilh. 

Edmund hian Benga-luru B team tan Bangalore Super Division lamah match ruk khelhsakin goal kua a khung a, top scorer niin a club hi nomawi a chawipui. 



Share this Post

Login to comment
No Comments