Manipur : Darkar 5 bandh huaihawt dawn

Manipur-a pawl indin thar, Joint Action Committee (JAC) chuan November 5-a Kuki tamna nena an inrina laia Meitei tleirawl pahnih; Maibam Avinash (16) leh Ningthoujam Anthoujam (19) te bo chungchangah lungawi lohna lantir nan vawiin hian state pum huap darkar 5 bandh an huaihawt dawn. Bandh hi dar 8 aṭanga ṭanin, chawhnu dar 1-ah tihtawp a ni ang.

JAC-te chuan Nilainia an meeting-naah resolution siamin, thuchhuah an siam nghal bawk a, bandh neih a nih chhungin mi tu mah hna thawk lo turin leh, tleirawl bote zawn hmuh kawnga hma la chak tura sorkar nawrna atana anmahni chenna chhehvela lungawi lohna lantir turin an ngen. JAC te chuan November 12-ah Akham football ground-ah vantlang inrawn khawmna neih leh an tum thu sawiin, an hmalak chhunzawm zel dan tur an sawi leh tur thu an tarlang bawk.

Hetih lai hian Manipur home department chuan Meitei tleirawl pahnih bote chungchangah hian anmahni ru botute nia rinhlelh mi pahnih man an neih tawh thu sawiin, heng an mi mante hi November 17 thleng hren an nih tur thu a puang a ni.