Bihar assembly-in reservation tihsanna tur pass

Bihar state assembly chuan Scheduled Caste (SC), Scheduled Tribe (ST), Other Backward Classes (OBC) leh Extremely Backward Classes (EBC) te tana reservation quota 50% ni ṭhin chu 65%-a tihsanna tur bill a pawm.

Chief minister Nitish Kumar kaihhruai Bihar sorkar hian thla hmasa mai khan caste survey neiin, Bihar-a hnam leh chi hrang hrangte dinhmun an hriat hnuah dawm kan ngai an tam nia hriain zirna in leh sorkar hna lak kawngahte, SC, ST, OBC leh EBC te tana quota siam sa tihpun hi an rawt a ni. Assembly-in a pawm tak bill-ah hian tarlan a nih danin ST te tana reservation hi 2% a ni tawh ang a, SC tan 16% aṭangin 20%-ah tihsan ni bawkin, EBC tan 25% leh OBC tan 15% reservation te siam a ni tawh dawn a ni. Hetih lai hian 2022 khan Supreme Court chuan reservation quoata chu 50% aiin a tam tur a ni lo tiin thupek a lo chhuah tawh a ni.