A vawi thum nan Pliskova champion

Brisbane International-ah champion lai Karolina Pliskova chuan a title a humhim a, a zawna vawi thum champion tur hian final-a a khingpui Madison Keys chu 6-4, 4-6, 7-5 in a hneh.

Pat Rafter Arena-a inkhelah Pliskova hi Keys lakah a chungnung fal bik lo. Mahse, hun pawimawh lai taka point a neih theih zawk avangin set thumnaah a vannei zawk a, he inelnaah hian vawi thum champion thei hmasa ber a ni.

Kum 27 mi Pliskova chuan, "Season tin mai hian a harsa telh telh a, a pawimawh ber chu ka title kawl lai ka humhim thei hi a ni. Ka tan chuan vawi thum hlawhtlinna chan hi a hluin a ropui bik a ni," tiin a sawi.

Brisbane International hi Australian Open inbuatsaihna zinga langsar a ni. Player langsar dang Naomi Osaka leh Angelique Kerber te pawh an inlan. Champion Pliskova hi Grand Slam hmasa berah inrintawkna sang tak nen a inlan thei ang.



Share this Post

Login to comment
No Comments