'Women for water, water for women' program tlangzarh

Sorkar laipui chuan tui enkawl leh sawngbawl dan chungchanga beihpuithlak nan, tui enkawlna kawnga thuneitu zinga hmeichhia an tel ve theihna tur 'Women for water, water for women' program tlangzarhin, he hmalakna hnuaiah hian hmeichhiate chu tui sawngbawl a nih dan zirtirna pek an ni ang.

He hmalakna hi Union Urban Affairs Ministry-in AMRUT kaltlanga National Urban Livelihood Mission (NLUM) leh Odisha Urban Academy te nen ṭangkawpa bul ṭan a ni a, November 7 khan kalpui ṭanin, hmeichhiate chu anmahni khua ṭheuha Water Treatment Plants (WTP)-te tlawhpuiin, an tana pawimawhte hrilh leh zirtirna hun hman a ni. He hmalakna kaltlang hian hmeichhiate chu tui enkawlna kawnga thuneitu zinga an tel theihna tur kawng siamsak an tum bawk.

Sorkar official thuchhuahah chuan hmeichhe pawl eng emaw zatin Water Treatment Plants (WTP) 250 chuang an tlawh tawh a, tui tihthianghlim a nih dan leh in tlaka siam a nih leh dan te, in tina sem chhuah leh a nih dante chu a taka entirin, mithiamte kaihhruainain tui quality test te leh hman tlaka tui sawngbawl leh enkawl dante an zir bawk tih an tarlang. 'Women for water, water for women' kaltlang hian hmeichhe self-help group 10,000 chuangte chu ram pum huapa zirtirna la pek chhunzawm zel tum an ni.