‘Shrek 5’ tihchhuah hun tur intern-in a ti leak

Paramount Pictures leh DreamWorks Animation chuan 'Shrek 5' an tihchhuah hun tur official-in engmah an la sawi lang lo a, hetih lai hian NBC Universal-a intern pakhat chuan a thuruk hi sawi chhuakin, Shrek 4 tihchhuah hun tur a rawn sawi.

Social media-ah intern hian NBC Universal-a a thawh chhunga a hnathawh hrang hrangte sawiin, heng zingah hian project hrang hrang atana 'consumer product ideas' lak khawmte telin, a project zingah hian "Wicked" films, "Despicable Me" leh "Shrek 5" pawh a tel tih a sawi. Hemi chungchang a sawinaah 'Shrek 5' chu kum 2025-ah a chhuak dawn tih a sawi zui bawk. A thil post hi online lamah a darh nasa hle a, a hnuah delete leh mah se, a screenshot an thehdarh zui zel tho a ni. Shrek film palina, 'Shrek Forever After' chu kum 2010 khan tihchhuah a ni a, a chhunzawmna siam tur a nih thu sawi hnuah pawh hma an la muang hle. A buaipui tura tih, Illumination CEO Chris Meledrandi chuan kumin April thla khan film thar siam tur chungchangah, original cast-te biak mek an la nih thu a la sawi chauh.