Bangladesh an chak

Cricket World Cup-ah Bangladesh-in November 6, Thawhlehni khan Sri Lanka chu wicket thumin an hneh. Bengal Tigers hian hnehna chang mah se semifinal luh beiseina an nei tawh lo a, Lions nen hian an tla fel.

Arun Jaitley Stadium, Delhi-a inkhelah hian inkhel aiin Delhi khawpui boruakin ngaihven a hlawh zawk. Thawhṭanni chawhnu khan New Delhi khawpuia air quality index (AQI) chu 411 a ni a, a hrisel lo takzet. Hemi a nih avang khan school ṭhahnem tak khar a ni hial.

Hei chauh hi lo, Bangladesh leh Sri Lanka te hian training session pawh an nei lo. Chutihrualin inkhel erawh kaltlangpui a ni a, Lions tana Charith Asalanka century chu a tawk zo lo. Bangladesh chu Najmul Hossain Shanto (90) leh Shakib Al Hasan (82) te chet ṭhat zarah hnehna an chang.

Vawiin tlai dar 2:00 hian England leh Netherlands te Maharashtra Cricket Association Stadium-ah an inkhel dawn a, team pahnih hian semifinal beiseina an nei tawh lo.