Man United buaina a fel tawh em?

Manchester United chuan kartawp khan Fulham 1-0 in an hneh hram a, Erik Ten Hag-a'n pressure a nei tlem hret. Mahse, United hi an chet ṭhat chhunzawm si loh chuan Ten Hag hian pressure a ngah lehnghal dawn a, hei vang hian zanin dar 1:30-a Copenhagen an hmachhawn hunah hnehna an chan ngei a pawimawh ang.

Premier League lamah Rasmus Hojlund-a'n goal khung harsat mah se UCL-ah erawh match thumah goal thum a khung. United tan knockout stage lut turin chak a pawimawh a, chumi tur chuan goal a pawimawh.

Khelmual pawn lamah erawh United tana chanchin hriat nuam lo a awm zel a, Jadon Sancho chu club WhatsApp Group aṭanga paih niin sawi a awm. Marcus Rashford pawh club dang zawm tura sawi a ni a, mah se English forward hian, "Thuthang dik lo, ṭha lo tidarh tawh suh u," tiin a ngen.