Lakers hnehtu Heat

Nimin zing NBA regular season inkhelah Miami Heat chuan Los Angeles Lakers chu 108-107 in an hneh - season bul an ṭan chauh a, Lakers hi vawi li an tlawm tling der tawh.

Miami Heat tan Bam Adebayo chuan triple-double (22 points, 20 rebounds leh 10 assists) neiin a thawhhlawk hle a, quarter hnuhnung berah talbuai deuh mah se an ṭang tluan thei.

LeBron James-a'n point 30 a nei a, point a neih zinga point sarih hi quarter hnuhnung bera a neih niin a team a thawhchhuahpui teuh hle. Point 23 neitu Austin Reaves che ṭha bawk mah se midang thlawptu ṭha an nei tawk lo.