A tawpah Juve vannei

Juventus chuan hun tawp dawna substitute Andrea Cambiaso goal khung hmangin Hellas Verona chu 1-0 in an hneh a, kum thum chuang hnua a vawi khat nan Serie A hmahruaitu an ni leh ta.

Old Lady hian inkhel pumpui an thunun tia sawi theih a ni a, mahse goal an khung thei tlat lo, hun tawp dawnah erawh Arkadiusz Milik-a'n goal ban a tihper kal zel chu Cambiaso hian a lo khung.

Kum 2012 aṭanga kum 2020 inkar khan Juventus hian Serie A nomawi hi a zawnin vawi kua an chawi a, league hmahruaitu an nih hnuhnung ber chu Maurizio Sarri hunlai kha niin, ni 1183 a liam hman tawh.

Massimiliano Allegri enkawl Juve hi league hmahruaitu an ni nghet tihna erawh a la ni bik lo, match 10 aṭanga point 23 hmuin a chung berah an awm. AC Milan leh Inter Milan ten an khelh hmabakah hnehna an chang a nih chuan an nek chhuak leh rih ang.