Australia-in New Zealand an ngam

Cricket World Cup 2023-a inkhel ngaihven hlawh bikah Inrinni khan Australia chuan run ngain New Zealand an hneh a, team pahnihin run 350 chuang ve ve an siam - a hmuhnawm takzet.

Dharamsala-a inkhelah Australia hi bat hmasa zawkah an ṭang a, over 49.2-ah out vek mah se run 388 an siam hman - Travis Head chuan century siamin, run 109 a vaw chhuak a, David Warner chuan run 81 a siam bawk.

New Zealand bat hun an thleng a, Rachin Ravindra chuan run 116 zet rawn hlap chhuakin Black Caps tan beiseina a siamsak hman a, Daryl Mitchell (54) leh Jimmy Neesham (58) ten an siam ṭha viau bawk.

Mahse, run 388 meuh chu a lo tam hret a, New Zealand hian over 50-ah run 383 tlin hramin, wicket kua an hloh a, run nga lekin a tlawm zawkah an ṭang ta a ni.

Inrinni inkhel hnuhnung zawkah Netherlands chuan run 87-in Bangladesh an hneh bawk a, Zirtawpni khan South Africa chuan wicket khatin Pakistan an hneh bawk.