Inter Kashi tan Edmund

I League chu October 28, Inrinni khan khelh ṭan a ni a, Mizo tlangval Edmund Lalrindika'n a club thar Inter Kashi tana a match hmasa berah goal a khung nghal. Inter Kashi hian khualmualah Gokulam Kerala chu 2-2 in an chelh a, point khat hlu tak an hlawh chhuak.

Uttar Pradesh club Inter Kashi hi I League club thar a ni a, Edmund bakah hian Lalruatthara an la lut bawk. Inkhel dangah Real Kashmir-in Rajasthan FC 2-0 in an hneh. Rajasthan tan hian Sairuatkima'n bul a ṭan a, bench aṭangin Lalbiakzuala leh Lalchungnunga Chhangte te an inlan bawk.