Pochettino a lawm lo

Chelsea manager Mauricio Pochettino chuan Brentford an mikhual ṭuma a naute khelh danah a lawm lo tih a sawi. Blues hi an khelmual hman thiam Stamford Bridge-ah ngei mai 2-0 in an mualpho.

Premier League bikah an match khelh hnuhnung 13 aṭangin Chelsea hi vawi khat chiah an chak, hnehna an chan ṭum hi August thla kha niin kai thar Luton Town an hneh, a dang zawngah chak ni hmel an hmu zo lo vek.

Pochettino chuan, "Ka lawm lo, keimah chauh ni loin club leh player-te pawh an lawm lo. Keimahni khelmualah ngei pawh duh anga ṭhain kan khel thei lo hi chu a pawi, hemi boruak ṭha lo hi an thlak thleng nghal vat a ngai.

"Khingpuite goal bulah kan hriam zual a ngai, chu chu kan mamawh hmasa chu a ni," a ti. Argentine manager hian a naute chu naupang rual an la nih avangin zir tur an la ngah tih a sawi tel bawk.