The 1975 an rawn lang ve ta

British pop rock band hlawhtling leh lar, The 1975 chu US Billboard chart-ah pakhatna an rawn hauh ve ta a, he band tan hi chuan hei tluka an hlawhtlinna tarlang chiangtu a awm tawh chuang awm lo e.

The 1975 album thar 'I Like It When You Sleep, for You Are So Beautiful Yet So Unaware of It' chu Billboard 200-ah pakhatnaah ṭhuthlengah a rawn ṭhu a, kar tawp chhung khan an album hi copy 108,000 zet an hralh thei a ni. Heng zinga copy 98,000 hi album pangngai a ni.

He album hi The 1975 tana Billboard album chart-a pakhatna hauh thei hmasa ber a nih mai bakah, album chart hrim hrima pakhatnaa an awm vawi khatna a ni. Pakhatna hauhin copy nuai khat zet hralh mah se, The 1975 hian kum 2013-a anmahni hminga album an tihchhuah kha tuna an album hralh hian a la zat lo. Kha album kha copy 349,000 zet an hralh tawh a, album chart lamah chuan 28-na a thleng pha a ni.

US-ah hian British zaithiamten ro an rel mek a, pahnihna pawh hi British mi Adele tho a ni. Adele hian a album hit 25 hmangin pahnihna hi a la hauh a, kar liam ta chhung khan a album hi copy 74,000 zet a hralh belh leh thei a ni. Pathumnaah Rihanna album Anti chu awmin, copy 71,000 a hralh.

Billboard 200

"I Like It When You Sleep" - The 1975 (108,000)

"25" - Adele (74,000)

"Anti" - Rihanna (71,000)

"This Unruly Mess I've Made" - Macklemore & Ryan Lewis (61,000)

"Purpose" - Justin Bieber (56,000)

"Piece by Piece" - Kelly Clarkson (44,000)

"Traveller" - Chris Stapleton (43,000)

"Blurryface" - Twenty One Pilots (36,000)

"For All Kings" - Anthrax (34,000)

"Hymns" - Joey + Rory (33,000)