Kan rilru put hmang a dik - Pep

Manchester City manager Pep Guardiola chuan an rilru put hmang a dik thu a sawi a, zanin dar 1:45 hian Burnley an lenchilh dawn. 

Pep-a hote hi Premier League match an khelh hnuhnung berah Newcastle United nen 2-2 in an inhnehtawk a, point hnih an hloh leh tak avangin hmahruaitu Liverpool nen an inkarah point 11 ngawt a awm tawh.

Spanish manager Guardiola chuan, "Season hmasa tun ang hunah khan Premier League nomawi kan la ngaihtuah lo, match engzat nge hnehna chan kan la mamawh tih chu a pawimawh zawk a ni.

"Tunah hian thui deuh ngaihtuah a ngai lem lo, match lehpeka Burnley kan tlawh tur atan rilru kan sawrbing. Chak loh vanga rilru na leh December 7-a Manchester United kan hmachhawn tur rilrua dah a hun lo," tiin match khat zela rilru sen a ṭul thu a sawi.

Man City hian Burnley an hmachhawn zawh hian tun Inrinni zanah Manchester United an mikhual dawn a, Pep Guardiola hote tan point hloh a thian tawh loh avangin Manchester Derby hi a pawimawh ang.

Zanin Inkhel Tur

Crystal Palace01:00 AMBournemouth

Burnley01:45 AMManchester City



Share this Post

Login to comment
No Comments