A chung berah Monchengladbach

Borussia Moncheng-ladbach chu Bundesliga hmahruaitu an ni leh ta. Monchengladbach hian Pathianni zan khan an mikhual Freiburg chu 4-2 in an hneh a, match 13 

aṭangin point 28 an nei ta.

Monchengladbach tan hian minute thumna lekah Marcus Thuram chuan goal hmahruai a khung ṭan a, a hnu lamah Breel Embolo-a'n goal hnih a neih bakah Patrick Herrmann chuan an goal lina a khung bawk.

Mikhual Freiburg lamin Jonathan Schmid leh Lucas Hole te hmangin goal hnih nei ve mah se point hmuh nan a tawk zo lo a, table-ah parukna dinhmun an luah leh rih a ngaih phah.

Kum 1976-77 season khan Monchengladbach hi German champion an lo ni ve tawh, a hnu lamah erawh Bundesliga title hi an la chawi leh ngai lo. Kuminah beiseina an nei mek, an match dawt leh atan Inrinni zan hian champion lai Bayern Munich an hmachhawn dawn, inkhel pawimawh bik a ni ang.



Share this Post

Login to comment
No Comments