Khatla kawng zanah khar a ni dawn

Traffic SP chuan thuchhuah siamin Circuit House, Khatla a mi chu ṭhiah niin, a hmunah hian Conventional Centre sak mek a nih thu a tarlang, "A bula lung remte ṭhiah a ngaih dawn avangin intihnat palh thleng thei ven nan Khatla kawn aṭanga Tennis Court inkar kawngpui chu March 9 -13 inkarah zan dar 10 leh zing dar 4 inkar ah khar a ni dawn," a ti.

Traffic SP-in ruahmanna a siam dan chuan, Aizawl hmar lam pan tur chuan Sikulpuikawn aṭangin Upper Khatla kawngpui lamah kal tur a ni. Kawng khar a nih chhung hian lirthei lian (HMV) leh lirthei laihawl (MMV) tan Sikulpuikawn aṭanga hmar lam pan turte chu fimkhur takin Upper Khatla kawngpui lamah kal tur a ni a, Vaivakawn lam kal tur chuan tennis court-ah kualin Temple Square lamah tlan phalsak an ni ang.

Thuchhuah hian chhiatrupna thil, kangmei leh emergency kaihhnawiha duty leh dan leh thupek pawimawh bika duty-te chetvelna a huam lo ang.