Kerala tan Messi goal a tawk lo

Barcelona-in Lionel Messi goal an chakpui a, Kerala Blasters tan erawh Messi goal chu chak nan a tling tawk lo - FC Goa nen 2-2 in an inhnehtawk. 

Kerala tana inlan Messi hi Raphael Messi Bouli a ni a, Cameroon tana vawi ruk inlan tawh striker a ni. Blasters hian minute khatna lekah Sergio Cidoncha hmangin goal hmahruai an khung. 

Mahse, Goa tan Mourtada Fall chuan minute 41-naah si phurh a rawn sut a, minute 52-naah hnawhchhuah zui a ni. Messi hun a thleng a, Blasters chu a vawi hnih nan hma a hruaipui. 

Messi goal chakpui turah Blasters inngai hman mah se Lenny Rodrigues chuan hun pek belhah Goa tan a khung ve leh a, hun tawpah 2-2 a inhnehtawkin chak zawk an awm lo. 

Nizan khan Jamshed-pur leh NorthEast United an inkhel a, result kan hre hman lo - zaninah ISL inkhel a awm lo ang. 



Share this Post

Login to comment
No Comments