Lungleiah RTI Act chungchang an zirho

Nimin khan Lunglei Circuit House conference hall-ah ni hnih awh tur 'Training of SPIOs/SAPIOs/DAAs in The Right to Information Act 2005 in Lunglei District, Administrative Training Institute' buatsaih a ni a, DC Abhijit Vijay Chaudhari-in a hawng.

Lunglei DC chuan RTI Act chu sorkarin a la thu tak hle tih sawiin, "Kum 2005 khan Parliament-ah pass a ni a, Jammu & Kashmir tih loh India ram state leh UT zawng zawng ah hman
ṭan a ni. He dan hnuaiah hian khua leh tui zawng zawngin thil hriat theihna chanvo an nei a ni," a ti.

Training-ah hian Lunglei Govt. College-a associate professor R Lalrochama'n 'Obligation of Public Authorities, Disposal of information, Third Party Information leh Exemtion from Disclosure' tih a sawi a,

Govt. J Buana College-a associate professor Mary Lalromawii'n 'Role of SPIO's/SAPIO's, Procedure for Requesting Information leh Power and Function of Information Commission Appeal and Penalties' tih a sawi.