Krismas a hnai chho a, Premier League-ah pawh coach ban thawm a tam leh ṭan - Watford chuan an manager Quique Sanchez Flores chu a hna aṭangin an chawlhtir a, an beisei ang result an neih theih loh vang a nih thu an sawi. 

Hornets hian coach thar an neih thuai tur thu an sawi a, he thu ziak i chhiar meuh chuan a thar an nei hial tawh mai thei - Brighton & Hove Albion boss hlui Chris Hughton hming a ri ring hle. 

Sanchez Flores hian 2015-16 season khan Watford hi a lo enkawl tawh a, September 7 khan Javi Gracia thlak turin lakluh nawn a ni. Mahse, Inrinni zan khan Southampton lakah 2-1 in an tlawm leh a, team 20 telna Premier League-ah 20-na dinhmun an luah mek.

Share this Post