Bayern Munich-ah Alaba a nghet

Bayern Munich de-fender David Alaba chuan Bundesliga club chhuahsan tumna a nei lo tih a sawi a, he thu hi amah beiseitu Manchester City tan a ngaihnawm hran lo ang.

Tun season tawp rual hian Bayern coach Pep Guardiola chuan Allianz Arena a chhuahsan dawn a, Man City a pan dawn tih a chiang tawh bawk.

Austria international Alaba hian kum 2018 thleng Bayern-ah contract a nei mek a, mahse Guardiola hmachhuanin Man City hian lakluh an lo beisei ve mek a ni.

Kum 23-a upa Alaba chuan, "Kum 2018 thleng contract ka la neih avangin tunah chuan ka hmalam hun hi ka la ngaihtuah nasa lem lo, a pawimawh ber chu khelmual chhunga inkhelh a ni," a ti.

Zawhna chhangin Alaba chuan, "Bayern hian contract pawtsei tura min sawm a nih chuan ka tan chawimawina a ni zawk hial ang," tiin German champion team-ah a rinawm hle.

Bayern Munich hian zanin dar 8:00 hian table laihawl a mi Darmstadt an lo mikhual dawn a, karleh Thawhleh zan khian Italian Serie A champion lai Juventus nen Champions League last 16 first leg an khel bawk ang.

Bayern hian Bun-desliga kai thar lakah record an nei ṭha hle a, leage match 23 an hma-chhawnah hnehna an chang fai vek. Division hniam aṭanga kai thar an hneh loh hnuhnun ber chu kum 2010 daih tawh kha niin Kaiserslautern lakah 2-0 in an tlawm a ni.