Maha Derby-ah DSK chak

Pathianni zan khan I League-ah Maharashtra Derby khelh a ni a, rin loh zawk DSK Shivajians-in an chak hmel hmasa ber hmu turin Mumbai FC chu 1-0 in an hneh.

Shree Shiv Chha-tra-pati Sports Complex-a inkhelah hian beisei loh zawk DSK-in goal an khung hma a, inkhel ṭan
aṭanga minute 20-na lekah Douhou Pierre chuan goal a khung. Mumbai FC-in an si phurh an sut thei tawh lo a, DSK-in hnehna an chang.

DSK tan goalkeeper Subrata Paul a langsar a, India international hian goal an khung hnu lawka Arata Izumi goal shot ṭha tak chu a dan sak. Pune club-in goal an khung hnuah tlarhma aiin tlarhnung an ngaipawimawh a, defensive game an khel.

Mumbai FC tan Ja-panese footballer India khua leh tui nihna nei Arata leh Japanese striker Ryuki Kozawa-te hlauhawm
ṭhin viau mah se DSK tlarhnung an ding khawng tlat a, 1-0 in an chak ta a ni.

DSK manager Derrick Pereira-a'n January 30-a Mohun Bagan laka 2-0 a tlawm a player-te a siksawi nual a, Mizo tlangval Zohmingliana Ralte leh Lalhmangaihsanga Ralte-te chuan squad-ah hmun an chang lo.