An ramah Gasquet a champion

Pathianni zan khan Open Sud de France chu khelh zawh a ni a, world number 10 Richard Gasquet chuan Paul-Henri Mathieu hnehin a champion.

ATP World Tour 250 indoor tournament final-ah hian French tlangval Gasquet hian darkar khat leh minute 48 chhungin 7-5, 6-4 in hnehna a chang a ni. ATP World Tour title 13 a lakna chiah a ni bawk.

Kum 29-a upa Gas-quet hian ATP Ranking point 250 a hmuh belh bak-ah lawmmanah Rs 62,-27,716.92 a dawng bawk.

Wimbledon leh US Open semifinal pawh lo khel ve tawh Gasquet chuan, "He hmuna vawi thum ka champion thei hi ka lawm hle a, final-ah ka ṭhianpa nen kan inkhelh avangin a hlimawm bawk. Mathieu kha a chak lo zawkah ṭang mah se atan a na hran lo ang," tiin a sawi.