Thal kahah India-in gold la

12th South Asian Games (SAG) khelh mekah India a chet ṭhat chhunzawm zel a, nimin khan Compound women archery-ah gold medal an la leh ta.

Jawaharlal Nehru Sports Complex-a inelna neihah India thal kaptu Purvasha Sudhir Shinde, Jyoti Surekha Vennam, leh Lily Chanu Paonam hian point 228 an hmu a, an khingpui Bangladesh thal kap thiam Shushma Banik, Tammanna Parvin, leh Roksana Akter te chuan point 217 chiah an score thung a ni.

Tun dinhmuna SAG neih mekah India hian gold 40 la tawhin fal takin hma an hruai zel a, pahnihna Sri Lanka chuan gold pariat chauh an la la thung. Inelnaa tel ram pariat ten medal an la kim vek tawh a ni.

12th South Asian Games hi February 5, Zirtawpni aṭang khan neih ṭan a ni a, February 16 thleng inelna neih tur a ni ang.