Simone Biles chuan World Gymnastics Championships-ah record thar a siam, American artistic gymnast hian khawvel huap inelnaah medal 21 zet a nei ta a, he infiamna huangah hian ani aia medal la hnem pakhat chiah an awm tawh.

Thawhlehni zan khan Stuttgart-ah United States hmeichhe team chuan point 172.33 hmuin women’s team all-around title an la, a vawi sarih nan a zawnin an champion.

Kum 22 mi Biles hian gold medal 15-na a neih rual hian a medal lak tawh chu 21 a tling a, Russian gymnast Svetlana Khorkina a nih rual chiah. A chungah hian Belarus legend Vitaly Scherbo (23 titles) chiah a awm.

Biles chuan, "Inelna ka hmachhawn dawn hian a ṭha thei ang bera tih hi ka tum tawp mai a, record lam hi chu ka ngaihtuah ngai lem lo. Kum tin mai hian hmasawnna ka nei zel, mi ropuite zinga ka hming a lang ve thei mai hi a lawmawm hle," tiin a sawi.

Share this Post