Mizoramin administrative reforms a mamawh - Haukhum Hauzel

ZPM party chuan nimin khan an pisaah political session an nei a, ZPM consultant Haukhuma Hauzel-in 'Administrative reforms' tih thupui sawiin, democracy ramah sorkar chu mipui siam, mipui din leh mipui tana siam a nih angin rorelna ṭha leh mipui huapzo nei turin administrative reforms Mizoramin a mamawh thu a sawi.

Haukhum Hauzel chuam, Mizoramin sorkar kalphung mumal leh felfai a mamawh hle tih sawiin, "Mizorama corporation hrang hrangte hi mahni inchâwm hlei thei lo leh sorkar tihautaktu an ni a, thil tidik lotu hremna kawngah kan chak lo a, chu chuan dik taka titute thlà a titliak ṭhin," a ti.

Sorkarin SEDP a kalpui danah duhthusam lo tak tak a awm thu sawiin Haukhuma chuan, "A concern department-te aia department concern lem lohte'n sum an chang tam zawk tlat mai hi thil mak a ni a, SEDP-a sum chang tam ber chu PWD an ni a, sport department pawhin tam tak an chang," a ti a; chhungkaw khaichhuahna tura ngaih a nih laiin a kaihhnawih department ni lote'n sum hlawm lian ber ber an chang chu hmasawnna kalphung nen a inmil loh thu a sawi.