Zoramthanga hi Pathian dawta Zo hnahthlakte thlamuanna ber a ni - Rokhaw

Tun hnaia MLA aṭanga báng ta KT Rokhaw chu nimin khan MNF vice president Van­lalzawma chuan MNF party-ah a lawm lut. KT Rokhaw chuan, MNF presi­dent Zoramthanga chu Pathian dawta Zo hnahthlakte thlamuanna ber niin a sawi.

Kum 2018 MLA inthlana Palak biala thlan tlin KT Rokhaw chuan, "Zo hnahthlakte thlamuanpui ber chu Pathian a ni a, chumi dawtah chuan Pu Zoramthanga leh a kaihhruai sorkar a ni. Mizoram hi Zo fate Jerusalem a nih theihna chhan chu sorkar leh tlawmngai pawlte'n ráltlânte ṭha taka kan lo tuamhlàwm vang a ni," a ti.

Kumin inthlanpuia Palak biala MNF candidate tur KT Rokhaw chuan, MNF candidate a ni thei chu a lawm thu sawiin, "Bial mipuite'n opposition bial nih an duh tawh lo a, sorkarna chang leh ngei tur MNF zawm lo thei kan ni lo. Opposition MLA ni chunga kum 15 kan aupui chu MNF ka nih hnu ni hnih khat lek chhungin Health department leh School Education department-ah hlawhtlinna kan hmu nghal," a ti a, amah leh Palak bial mipui an lawm hle niin a sawi.