4th Elite Men's National Boxing Championship-ah nimin khan Tuipui tlangval Laldingliana chuan Bantamweight (69kg)-ah Delhi boxer Panjan Vaid chu unanimous decision-a hnehin quarterfinal a lut.
Baddi, Himachal Pradesh-a inelna neihah hian Mizoram aiawhin boxer pali an kal a, H. Lalrinhlua (81 kg) leh Zochhuanawma Fanai (69 kg) te tla tawhin nizana Khuangthing tlangval Vanlalawmpuia leh Jimil Thomas, Kerela te inhnek result kan hre hman lo.
Nimin khan welterweight (69kg) category-ah Zochhuana hian Parmod Kumar, All India Police (AIP) a hmachhawn. Republic Veng tlangval hian first round-a a hneh loh hnuin second round-ah a hneh let a, third round-ah boxer pahnih hi inhnehtawk viau mah se Mizo tlangval a vanduai ta zawk.
National Boxing Championship-ah hian Tuipui boxer Vanhlimpuia pawh Sevices Sports Control Board (SSCB) hmingin a tel a, Railway Sports Promotion Board boxer Rohit Tokas lakah a vanduai.
Login to comment
No Comments