India-in first test an la

India chuan South Africa nen an muala Test match vawi thum an khelh tura a hmasa berah run 203 in hnehna an chang. First Test hi Visakhapatnam-ah October 2-6 chhung khan khelh a ni a, second Test hi October 10-14 chhung hian Pune-ah khelh a ni ang.

Ṭhumvawrah India an chak a, bat hmasak an thlang. Opener pahnih Mayank Agarwal (215) leh Rohit Sharma (176) te an che ropui a, Men in Blue-in first innings-ah run 502 siamin wicket sarih an hloh a, an duhtawk.

South Africa tan Dean Elgar (160) leh Quiton de Kock (111) te rawn che ṭha mah se Ravinchandran Ashwin-a'n wicket sarih a lak zarah Proteas hi run 431 an siam tihin an thi vek.

Second innings-ah India tan Rohit Sharma-a'n century (127) siam nawnin run 323/4 an vaw chhuak tihin an duh tawk. Proteas tan chak a beiseiawm lo a, amaherawhchu India-in an vawm hlum theih loh chuan a la inhnehtawk theih.

Men in Blue tan Mohammed Shami (35/5) leh Ravindra Jadeja (87/4) te che ṭhain South Africa hi run 191 an siam tihin an thi vek. 



Share this Post

Login to comment
No Comments