Scottish Premiership hmahruaitu Rangers

Tun season Scottish Premiership-ah a vawi khat nan Celtic an tlawm a, Rangers-in hnehna an chan bawk si avangin Steven Gerrard enkawl team hi table chung berah an awm zui. 

Celtic hian khualmualah Livingston chu 2-0 in an ngam lo a, player 10 nichunga hun tam zawk an khelh chu chak loh chhanah puh theih a ni. 

Midfielder Ryan Christie chu minute 26-naah hnawhchhuah a ni a, Celtic an tho leh tawh lo. Scott Robinson leh Lyndon Dykes ten second half-ah goal khat ve ve an rawn khung a, Celtic-in a chhanletna tur an neih loh avangin Rangers an chak. 

Celtic chak loh laiin Rangers erawhin harsatna nei loin Hamilton chu 5-0 in an sawp a, table chung ber an luah zui. 

Rangers tan Jermain Defoe chuan hattrick a siam a, kum 36 mi striker hian tun season-ah inelna hrang hrangah match 14 khelin goal 12 a khung tawh. 

Steven Gerrard enkawl team tan hian Connor Goldson leh Borna Barisic te chuan goal khat ve ve an khung bawk a, Hamilton-in a chhanletna tur an nei lo. 



Share this Post

Login to comment
No Comments