Pakistan-in dan loa lutte Nov. 1 hmaa chhuak turin hriattir

Pakistan sorkar chuan an rama dan loa pem lutte, a bikin Afghan hnam maktaduai chuangte chu an ram chhuah san turin a hriattir.

Sorkar chuan dan loa lutte chu tihluihna hman ngai loa Pakistan chhuah san turin a ti a, thuchhuah hi an zawm lo a nih chuan an thawn haw dawn tho tih a tarlang bawk.

Interior minister Sarfraz Bugti chuan, "November 1 thleng hun kan pe," tiin Thawhlehni khan a sawi. Pakistan-a thihchilh bomb ṭum 24 thleng zinga ṭum 14 chu Afghan hnam tih a ni, a ti bawk.

Bugti chuan Pakistan-a awm mek Afghan mi1.73-te chuan Pakistan-a awm phalna document an nei lo tih a sawi a, "An let duh lo a nih chuan, anmahni thawn haw-na turin province leh federal sorkar tha chakna zawng zawng kan hmang vek ang," a ti.

Pakistan-ah hian Afghan raltlan mi maktaduai 4.4 bawr vel an awm mek a ni. Islamabad khawpui chu an awm tamna ber niin mi maktduai 1.3 vel an awm. Raltlan lut zinga mi nuai 8.8 chu cham hlen phalsak an ni tih United Nations chuan a tarlang.