Myanmar sipaite hnena ralthuam peah Indonesia puh

Human rights activist-te chuan Indonesia sorkar enkawl firm ṭhenkhat chu ralthuam chi hrang hrang, pistol, assault rifle leh combat vehicle-te Myanmar sipai sorkar tana thawn lutah puhin complaint an theh lut.

Human rights organisation chuan Thawhlehni khan Indonesia chu sorkar firm-in ralthuam ni ngeia hriat Myanmar-a a thawn luh chungchang bawhzui turin a ngen. Indonesia hian kum 2021-a Myanmar sipaite'n mipui sorkar a hnehchuh avanga tualchhunga buaina nasa tak a chhuah hnuah khan Myanmar a ralmuan leh theih nan theihtawp a chhuah a ni.

Human rights activist-te ukil, Feri Amsari chuan sorkar enkawl ralthuam siamtute pathumin Myanmar-a ralthuam an hralh chungchang chu Indonesia human rights commission-ah complain an theh luh tawh thu a sawi. Myanmar-a pawl awm; Chin Human Rights Organisation leh Myanmar Accountability Project leh, Indonesian attorney general leh human rights campaigner Marzuki Darusma-te chu complain theh luttu zingah an tel.

Myanmar sipai sorkara minister fapa company True North chuan Indonesia-a lawng siam chhuaktu PT PAL, silai siamtu PT Pindal, thlawhtheihnna siamtu company PT Dirgantara Indonesia-te aiawhin Myanmar-ah hian ralthuamte hi a thawn lut tiin complaint-ah hian an tarlang.

PT Pindal chuan kum 2016 hnu lamah Myanmar-ah ralthuam an thawn luh tawh loh thu sawiin, an puhna hi a pha thung. PT Dirgantara pawhin Myanmar sorkar leh a kaihhnawih party-te nen eng contract mah an neih loh thu a sawi ve bawk.