Basketball a khelh ṭan aṭangin season sarih chauh a la liam a, tunah chuan Tacko Fall hi NBA season thara player sang ber ni thei dinhmunah a ding mek. Boston Celtics tan a inlan phak a nih chuan player khel lai zinga sang ber record a siam ang.

Nipui lai khan 7ft 5in zeta sang Fall-a hian Boston Celtics a zawm, Romanian player chawl tawh Gheorghe Muresan aiin inches hnih leh a chanvein a hniam zawk a ni.

Kum 1995 khan Dakar-ah Fall hi a piang, kum 16 mi a nihin United States-ah an pem, hetih hunlai hian 7ft a ni der tawh. Central Florida University tan basketball khelin tunah chuan Celtics-in an lalut fel tawh.

Senegalese player Fall chuan, "A tirah chuan basketball hi eng tianga khelh tur nge tih pawh ka hre lo, ka ṭhianten a khelh dan phung min hrilh. Ka tui hnuah NBA khelh chu ka dream ṭhin a, tuna hun ṭha ka nei thei hi a lawmawm," tiin a sawi.

Share this Post