Odisha, Bengal leh Jharkhand te'n ruah tam zawk la dawng dawn:IMD

Indian Meteorological Department (IMD) chuan Chhattisgarh hmar lam leh Jharkhand chhim thlang lama low-pressure area insiam avangin October 5 thleng chu West Bengal-ah ruah nasa takin a la sur chhunzawm dawn niin an sawi.

Odsiha pawhin southwest monsoon avangin darkar 24 chhung ruah tam tak a dawng a, hei hi ni eng emaw ti chhung chu a la chhunzawm dawn niin an sawi bawk. West Bengal ang bawkin Jharkhand pawhin ruah tam tak a la dawn chhunzawm zel a, low-pressure area insiam avang bawkin fur ruah tui hi a tla rei dawn niin IMD chuan a tarlang.

West Bengal khawpui Kolkata bakah hmun ṭhekhatah chuan Thawhlehni zan aṭang khan ruah nasa takin a sur leh a, Bengal chhim lam leh hmar lama khaw tam takah chuan ruah sur nasa hian October 5 thleng a la awh dawn niin Met department chuan a sawi. Odisha-ah pawh ruah sur a la chawl lo a, October 1 aṭanga October 3 thleng khan ruah mm 57.3 dawng tawhin, Met department chuan ruah nasa zawka la sur tura beiseiin Orange alert an tichhuak.

Thawhlehni thleng khan Jhrakhand-a Garhwa district chuan state chhunga ruah tui dawng tam ber record siamin, ruah mm 152 zet a dawng tawh a, Jharkhand hian October 1 aṭanga October 3 chhung khan ruah mm 78 a dawng tawh bawk a ni.