MLS record thar siamtu Vela

Los Angeles FC striker Carlos Vela chuan nimin zinga 3-1 a Colorado Rapids an hnehna inkhelah hattrick a siam a, MLS season khata goal khung hnem ber record a siam. 

Arsenal forward hlui Vela hian tun season-ah league match 31 khel tawhin goal 34 a khung tling der a, nikuma Josef Martinez record siam chu a khum. 

Atlanta United striker Josef Martinez hian season hmasa khan league-ah goal 31 khungin record a siam a, hei hi Vela hian a rawn khum ta a ni. 

Vela khelhna Los Angeles FC hi Western Conference table-ah a chung berah an awm a, Conference semifinals an lut chiang tawh. 



Share this Post

Login to comment
No Comments