Vicky leh Katrina-te'n film chang dun tura sawmna dawng

Bollywood star nupa chhe lo, Vicky Kausal leh Katrina Kaif-te chuan film chang dun tura sawmna an dawng nual tih an sawi a, mahse, an chang dun dawn em tih erawh an la sawi thei lo.

Vicky leh Katrina-te hi kum 2021, December thla khan an innei a, an pahnih hian film chan dunna an la nei lo. An inneih hnu hian chang dun tura duhtu pawh an tam hle a, mahse, Vicky chuan film-a an part tur chu an chan chi a ni em, tih chu a pawimawh zawk tih a sawi. Vicky channa, comedy drama 'The Great Indian Family' chu kar liam ta khan release a ni a, box office-ah pawh a che ṭha hle. Katrina hian Salman Khan nena an channna,'Tiger 3' tihchhuah tur a nei mek bawk a, Diwali-ah tlangzarh tum a ni.