Cachar paper mill din thar phut

Union Heavy Indus-tries Ministry-a joint secretary, RK Singh chuan Thawhlehni khan Hindustan Paper Corporation (HPC) enkawl, Hailakandi dis-trict, Panchgram hmuna Cachar paper mill a tlawh a, official te nena meeting an neihah paper mill-a thuneitute chuan mill din thar an phut thu an tarlang.

Meeting-ah hian Cachar paper mill aiawh-in, Chief Managing Director Sachikanta Jain, Chief Executive Officer Hirak Kanti Sen leh HR manager Arindam Roy te an tel a, Indian National Trade Union Congress (INTUC) leh Bharatiya Mazdoor Sangh(BMS) aiawhin Manabendra Chakraborty, Najmul Islam, Dilip Suklabaidya, Ajijur Rahman Laskar, Sebananda Das leh Abdul Hannan te an tel.

Cachar paper mill thuneitute leh trade union aiawhte chuan paper mill kalpuinaa harsatna an tawhte tarlangin, paper siam chhuah a nih leh theih nan Joint Secretary Singh chu a ṭul anga hma la turin an ngen.

Singh chuan detailed project report (DPR) chu sorkar laipuia thuneitute hnenah a lo thehluh tur thu sawiin, contractor te bill lak loh pawh lo bawhzuisak a tiam nghal.