Manchester United leh Inter Milan te chu forward Alexis Sanchez chungchangah an la inrem thei lo.

Serie A club hian Chilean forward hi loan hmanga hawh an duh a, amaherawhchu Sanchez-a hlawh £390,000 chu buaina tham a tling. Inter hian Sanchez-a hlawh chanve aia tlem chauh an pek ngam avangin United-in chhuahtir an la remti lo a, Arsenal forward hlui erawhin Old Trafford chhuahsan a duh thung.

Sanchez hian a hlawh tihhniam emaw Inter-in a hlawh atana an pek zat an titam a nih loh chuan Manchester United tan a khelh chhunzawm a 

ṭul dawn. Ole Gunnar Solskjaer-a'n a rilru a thlak a nih loh chuan Chilean forward hi League Cup leh Europa League-ah bak chhawr a tum lo niin sawi a ni.

Tun Thawhlehni khan Sanchez hi Solskjaer hnuaia khelhna hmun chang pha lo dang Matteo Darmian, Chris Smalling leh Phil Jones te nen Sheffield United an hmachhawn a, he friendly match hi mi nawlpui en theih a 

ni lo.

Share this Post