Mumbai Police-in IS vauna lehkha dawng

Mumbai Police Commissioner office chuan Islamic State (IS) firfiak pawl member nia inchhal hnen aṭangin vauna lehkha a dawng.

Police-te lehkha dawnah hian Pune Anti-Terror Squad (ATS) officer, ACP Bhanupratap Barge leh a chhungte chu IS hian thahah an vau a ni.

Mumbai Police-te hian vauna lehka hi kar hnih liamtaah khan an dawng a, hemi chungchang hi ATS chuan a chhuizui nghal a ni. He lehkha hi Barge-a team-te'n IS zawm tum nia hriat, Pune-a hmeichhe tleirawl pakhat an man chhuah hnu lawkah an dawng a ni. He hmeichhe tleirawl hian internet kaltlangin IS te hi a lo bepawp a, ramdang hmun hrang hranga ṭhalai 200 vel pawh a bekual hman a ni. Mahse ATS hian a thiltih hi manchhuakin, thu an zawtfiah a, hmeichhe tleirawl hian Syria ramah damdawi lam zir tura kal turin an lo hrilh niin a sawi.