Manipur-a Chura­chand­pur District Hospital-ah Zirtawpni khan Manipur Health and Family Welfare minister, L Jayantakumar Singh chuan health project panga a hawng. 

District Early Inter­vention Centre (DEIC) chu Jawaharlal Nehru Institute of Medical Sciences (JNIMS), Re­gio­­nal Institute of Medical Sciences (RIMS) leh Bishnupur District Hospital-ah hawn thar a ni a, Dedicated Eye Ward pawh Churachandpur-ah leh Bisnupur District Hospital-ah hawn thar a ni. Palliative ward pawh Bishnupur District Hospital-ah hawn a ni bawk.

Health project panga hawnna inkhawmah hian Jayantakumar chuan thu sawiin, an hmalakna hian mipuite harsatna a sutkian phah theih thu a sawi a, sum lamah harsatna nei mah se an state sorkar chuan hriselna kawnga hma a lak zel tur thu a sawi. Damdawi-ina hnathawk tute zawng zawng pawh tih takzet leh inpe taka thawk turin a fuih nghal.

Damdawi-in a hna­thawktu indaih lohna chungchang pawh sawi telin, hnathawktu an lak belh dawn a, state cabinet-ah ngaihtuah a ni ang, a ti. Sorkar laipui Ministry of Health lam 

aṭangin an state mamawh ang zelin fund pawh an dawng dawn tih a sawi.

Project  hawnna in­khawmah hian Agri­culture Minister, V Hangkhalian chuan a kaihruai a, State Mission Director S Manikanta Singh chu guest of honor a ni. Chief Medical Officer (CMO) Churachandpur leh damdawi-ina hna­thawkte an tel a, National Health Mission (NHM) 

aṭangin doctor leh nurse-te an tel bawk.

Share this Post