Arunachal : NIA-in Tirap tualthahna thlenga rinhlelhte hming tichhuak

National Investigation Agency (NIA) chuan May 21-a Tirap district-a MLA Tirong Aboh leh mi dang 10-te rawng taka thah an nihnaa inhnamhnawiha rinhlelhte hming leh thlalak chu a vawi khatna atan a tlangzarh. 

NIA-in notice a tihchhuahah hian hel pangate hming leh thlalak tarlan a ni a, an chanchin hrilh thei hnenah lawmman pek a tiam bawk. 

Notice tihchhuaha hming tarlante hi self-styled (SS) Kilonser Ravi Wangno, SS captain Elli Ketok, SS major general Absolon Tangkhul, SS captain Victor Tangkhul leh SS lieutenant colonel Apek-te an ni. 

NIA chuan Aboslon Tangkhul leh Victor Tangkhul chanchin hrilh thei hnenah lawmman, cheng nuai thum pek a tiam a; Ravi Wango, Ellie Ketok leh Apek-te chanchin hrilh thei hnenah lawmman cheng nuai hnih pek a tiam bawk. 

Tirong Aboh hi Diburgarh, Assam 

aṭanga an kir lam chu May 21 khan Bogapani-ah kahhlum a ni a, a fapa leh a chhungte dang pawh kahhlum tel an ni bawk. He pawikhawihna thlen hun hi assembly inthlan result puan hma ni thum niin, inthlan result a chhuah hnuah Aboh hi Khonsa West bialah thlan tlin nawn a ni. 



Share this Post

Login to comment
No Comments