Vanglaini - Manipur-ah Meth leh opium tam tham tak man

KHAWTHLIR

Zoonosis Day

Nimin khan Mizorama a vawi khat nan Health Services directorate conference hall-ah World Zoonosis Day hman a ni a, Health & Family Welfare Department Board vice chairman ZR Thiamsanga, MLA-in a hmanpui. Dr ZR Thiamsanga chuan, Zoonosis natnate chungchangah theihtawp chhuaha hma la zel turin sorkar a inhuam thu a sawi. World Zoonosis Day hi July 6-ah hman ṭhin a ni a, kuminah holiday a nih avangin nimin khan Integrated Disease Control Programme huaihawtin hman a ni.

Thisen pe

Sateek Branch KṬP chuan nimin khan State Referral Hospital blood bank-ah blood donation camp an huaihawt a, mipa 25 leh hmeichhia pakuate'n thisen unit 34 an pe.

Zirlai chawimawi

Kolasib-a Salvation Army Hostel for the Blind-a chêng, mit lama harsatna nei zirlai, an

zirnaa ti ṭhate chawimawina hun vawiin khan an sikulah buatsaih a ni a, Kolasib bialtu MLA K

Lalrinliana, minister-in a hmanpui. Inkhawmah hian HSLC 2019 leh HSSLC 2019-a distinction leh first division-a pass zirlai panga hnenah chawmawina an hlan. The Salvation Army Home for the Blind hi April 15, 1977-ah hawn a ni a, zirlai khaw hmu lote a thlawnin chaw leh riahna an pe a ni.

MCSA hruaitu

Mizoram Civil Service Association (MCSA) chuan tun hnai khan kum 2019-2021 chhunga an pawl office bearer turte an thlang a; president-ah K Laldingliana, vice president-ah Florence Zotluangpuii, general secretary-ah

H Lalhmingthanga,

assistant general secretary-ah Lalrohlua, treasurer-ah H Lalchhandami, finance secretary-ah H Lalrinpuia te an thlang.

DC-in enfiah

Kolasib DC Zoengsanga chuan nimin khan Kolasib District Hospital a tlawh a, an dinhmun a zir chiang. Kolasib DC chuan, doctor-te hna chu mipui nena inkungkaih tlat a nih avangin mipui thleng phâk rawngbawlna chu inpekna thinlung nena thawh a pawimawh thu a sawi a, "Damlo enkawlna kawngah dawhtheih a ngai a, ṭawngkam nêm hi damlo tana dampui tham

a tling," a ti.

DAWNTISEI

Manipur-ah Meth leh opium tam tham tak man

Manipur-a security force-te chuan hmeichhe pathum kut aṭangin crystal methaphetamine cheng vaibelchhe 7 man leh opium kg. 13, cheng nuai 13 man hu an man.

Pathianni khan Manipur police chuan thuchhuah siamin ruihhlo an man thu hi an sawi a, methaphetamine neitu hi Sushila (61), Tamil Nadu lam mi a nih thu an sawi. Narcotics and Affairs Border (NAB) division leh 12 Assam Rifles-te chuan Inrinni khan National Highway-102 Imphal-Moreh section-a PVCP (Permanent Vehicle Check Post)-a an endiknaah Sushila bungrua aṭ-angin ruihhlo hi an man a ni.

NAB team hian Inrinni vek khan Bishnupur district-a Nachou Lamkhai-ah hmeichhe pahnih kut aṭangin opium kg.13 an man bawk.

Police-te chuan hmeichhe pathumte lakah hian NAB Imphal station-ah thubuai an ziaklut nghal a ni.

Share this Post

Login to comment

No Comments