Assam-ah hmeichhe bazar hawng


Assam-a Darang district-a Mangaldai khuaah hmeichhe pual bika bazar siam chu Inrinni khan hawn a ni. He bazar hi Mangaldai Municipal Board of Assam hnuaia City Mission Management Unit siam a ni. 

Hmeichhe puala bazar siam hi Mangaldai MLA Gurujyoti Das chuan a hawng a, he hmun hi Assam State Livelihood Mission  hnuaia Self-Help Group member hmei­chhiaten an thil siam hrang hrang chawilar leh phochhuahna atana buatsaih a ni. 

Bazar hawnna inkhawm buatsaihah hian Mangaldai Municipal Board Manik Sil Sharma, district development commissioner Sweety Gogoi Kalita, executive officer of the civic body Hemashri Khanikar, vice chairman Zinkul Ali, city project manager Manash Das leh nodal officer Amulya Saharia-te an tel. 

MLA Das chuan hetianga bazar dangdai tak siam a ni chu lawmawm a tih thu sawiin, mi tam tak a hip khawm ngei a beisei thu a sawi. He hmalakna hmang hian Prime Minister Narendra Modi leh chief minister Sarbananda Sonowal-ten hmeichhiate thuam chakna tura an duhthusamte a takin tihpuitlin a ni thei dawn tih a sawi. 

SHG member-te chuan an thil siamte phochhuah theihna tur siamsak a ni chu lawmawm an tih thu an sawi. 



Share this Post

Login to comment
No Comments