Bharatiya Janata Party (BJP) Nagaland unit chuan member thar nuai 2.5 lakluh an tum tih an sawi.
Tunah hian member nuai 1.18 an nei mek niin an inchhal a ni.
Nagaland BJP hian Inrinni aṭang khan state pum huap member drive an nei a, thla hnih chhung membership drive hi an nei ang. He drive an neih mek hi 'Sangathan Parv Membership Drive 2019' tiin a hming an vuah a, Inrinni khan Union Minister of State for Steel Faggan Singh Kulaste chuan state khawpui Kohima-ah tlangzarhna a nei.
BJP hian electronic enrollment hmangin membership drive hi an kalpui a, SIM card pakhatin member pali zel an ziak lut thei tih an sawi. Hemi piah lamah hian Paper slip enrollment pawh an kalpui tho a ni.
Union Minister chuan state mipuite chuan BJP-ah rinna an nghat ṭan tih sawiin, he hunah hian BJP Nagaland state unit president leh minister of higher and technical education, Temjen Imna Along pawhin thu a sawi bawk.
Temjen Imna Along chuan membership drive an neih chuan an party a thuam chak dawn tih a sawi a ni.