
PSG tan Mbappe a inkhel dawn?

Paris Saint Germain nen an thu a inhmu lo a, team tana khelh an phal loh bakah training pawh an phal lo a nih kha. Tunah erawh Paris club leh Kylian Mbappe an inrem tawh, zanina Toulouse nen an inkhelh hunah pawh a inlan ngei a beiseiawm.
Tun kar training an neih hoah Mbappe hi a inlan thei a, coach thar Luis Enrique-a'n a chhawr duh leh duh loh a ni tawh mai. Barcelona aṭanga an lakluh Ousmane Dembele nen tlarhma lamah an inkawp thei dawn a ni.
Lionel Messi leh Neymar an chhuak fel a, mi tam takin Mabppe pawh an nawr chhuak lui dawn emaw an ti hman. Mahse, club thuneitu lamin an froward ṭha nen an inbiak hnuah an inrem thei tih an sawi.
France captain hian PSG tan tun season tawp thleng daih contract a nei a, a pawtsei lo a nih pawhin tun season chu PSG tan theihtawp a chhuah leh phawt dawn tihna a ni ang.