Meghalaya College zirtirtuten St. Edmund's thuneitute lakah FIR thehluh

Meghalaya College Teachers Association (MCTA) chuan Shillong-a college hlun ber leh 

ṭha ber zinga mi - St. Edmund’s College governing body lakah FIR an thehlut.

MCTA hian St. Edmund’s College thuneitute chu pawisa dik lo taka hmangah an puh a ni. MCTA secretary, Amanda Basaiawmoit chuan July 3 khan East Khasi Hills Superintendent of Police, Claudia A Lyngwa hnenah FIR hi a thehlut tawh tih Inrinni khan an tarlang.

FIR-ah hian Basaiawmoit chuan College governing body-a secretary Bro. Simon Coelho leh principal, Dr Sylvanus Lamare-te chuan sorkar aṭanga pawisa allot awm chu dik lo takin an hmang tih a ziak a, hetah hian College Bursar Bro. Julius Stelgus pawh a inhnamhnawih maithei tih tarlan a ni bawk.

MTCA general secretary chuan February 8-a official record-a a lan dan chuan Co­mmerce department zirtirtute 13, morning class la ṭhinte chu morning class an pek avangin thla tin cheng 2000 pek belh tur a ni. Heng pawisate hi lakchhuah 

ṭhin ni mah se zirtirtute hian an dawng ngai lo tih FIR-ah hian ziahlan a ni.

Basaiawmoit chuan April 2-a RTI hmanga zawhna chhan a nih hnu chauhin heng hi hriat chhuah a ni tih a ziak bawk a, RTI information hi Additional Director of Higher and Technical department aṭanga hmu an nih thu a ziak lang bawk.

College Bursar pawhin heng zawng zawng hi a hre vek tih sawiin, mahse an thil tihsual chu a thuppui zawk tih a sawi a ni.

St. Edmund's College-ah tun hnaiah lungawi lohna lantir a ni fo a, thla tir teah khan Sociology department zirtirtu Prof. Jefferson Wahlang chu chhan mumal awm loa ban a nih avangin college hrang hrang zirtirtute chuan nawrh an huaihawt tawh bawk a ni.



Share this Post

Login to comment
No Comments