Assam CM-in Miya Muslim a puh chhiat avangin MP Abdul Khaleque-a'n adjourment motion a pu lut

Assam Congress MP Abdul Khaleque chuan tun hnaia Assam chief minister Himanta Biswa Sarma-a'n Miya Muslim-te puhchhiatna ṭawngkam a neih chungchangah Parliament-ah sawiho phalna, adjournment motion notice a pu lut.

Chief Minister Sarma hian Guwahati khawpuia thlai man san chhan chu thlai zuartu tam zawkte 'Miya' community an nih vang a ni, tiin a sawi. Assamese-te chuan an hnampuite hnenah heti em ema tam hi an chhiar lo ang, a ti bawk.

MP Khaleque chuan Sarma thusawi chu "hate speech" a ni tia sawiin, khawtlanga mi chi hrang hrang khawsakhona tiderthawng thei a ni, tih a sawi. Sarma thusawi avang hian FIR tam tak thehluh a ni tawh bawk a ni, a ti.

Hetih lai hian CM Sarma chuan a thusawi chungchangah insawifiahin, thil awm dan dik tak sawi mai a nih thu leh, mi pawisawi tuma he thil hi sawi a ni lo, niin a sawi.